आपले सरकार सेवा केंद्र स्थापनासाठी 20 ऑगस्टपर्यंत अर्ज आमंत्रित

 

गडचिरोली, दि. 05 (जिमाका) : जिल्ह्यात ग्रामपंचायत व नगर परिषद/नगर पंचायत स्तरावर 154 नवीन 'आपले सरकार सेवा केंद्रे' स्थापन करण्यासाठी इच्छुकांकडून अर्ज मागविण्यात आले आहेत.

महाराष्ट्र शासनाच्या शासन निर्णयानुसार गडचिरोली जिल्ह्यात 151 ग्रामपंचायत स्तरावर 152 केंद्रे तसेच 2 नगर परिषद/नगर पंचायत स्तरावर 2 केंद्रे स्थापन करण्यात येणार आहेत. पात्र ग्रामपंचायतींची यादी, अर्जाचा नमुना व आवश्यक माहिती www.gadchiroli.gov.in या संकेतस्थळावर तसेच जिल्हाधिकारी, उपविभागीय अधिकारी व तहसील कार्यालयांच्या सूचना फलकावर उपलब्ध आहे.

        इच्छुकांनी 6 ते 20 ऑगस्ट 2026 या कालावधीत विहित नमुन्यातील अर्ज जिल्हाधिकारी कार्यालय, गडचिरोली येथील सेतू शाखेत सादर करावेत, असे आवाहन जिल्हाधिकारी अविश्यांत पंडा यांनी केले आहे.

0000